Сауран ауданы, Қарашық ауылдық округі әкімінің лауазымына сайлау өтуде. Қарашық ауылдық округінің халық саны – 11 361 адам, Қарашық, Құмтүйін елді мекендерін құрайды. Жалпы сайлау құқығы бар азаматтардың саны – 5275, оған №73, №74, №78, №896 сайлау учаскелері қарайды.
Аталған сайлау учаскелерінде таңғы сағат 07:00-де Мемлекеттік Әнұранмен басталды. Сайлауға алғашқы келген тұрғындарға естелік сыйлықтар үлестірілді.
Сайлау учаскелерінде тұрғындардың дауыс беру қарқыны жоғары. Ауылдық округте тұрғындар тарапынан мерекелік көңіл күй сезіліп жатқанын айтуымыз керек.
